துணையே !
என் உறுதுணையே !
எங்கள் உயர்திணையே !
வினையே !
என் ஊழ்வினையே !
எங்கள் வாழ்வினையே !
மாற்றிய தேவதையே ! அன்பே !
நான் தேடிய வெற்றிக்கு
நீ முகவரி கொடுக்க போகிறாய்
சந்தோசம் தான் எனக்கு !
வளர வளர நீ
உயர உயர
நான் இருப்பேன் என்றும் உனக்காக !
உன் வெற்றிக்கு உயிர் கொடுக்க !
இன்றுவரை நீ கொடுத்தது
எங்களுக்கான வாழ்க்கை !
இனி நீ எடுப்பது
உனக்கான வேட்கை !
வள்ளுவனின் வாசுகி
கோவலனின் கண்ணகி
என பலர் சொன்னாலும்
பாரதி கண்ட புதுமை பெண்ணே
அழகுதான் உனக்கு !
பெருமையாய் இருக்கெனக்கு
வெறுமையின் வலியும் இருக்கெனக்கு
எதை காட்ட நான் உனக்கு !
இந்த முயற்சியில்
வென்றாலும் தோற்றாலும்
என்றும் இருப்போம்
நாங்கள் உனக்கு !
என்
மாண்புமிகு மனைவியே !
